378
. . - - / . . - - /. . - - /. . –
 
Mesken olmış der-i mey-hâne çü kallâşlara
Gaybdan kapu açılmış yine ‘ayyâşlara
Bir perî-sûreti nakş eylemişem dilde yine
Kalemüm harf atarsa nola nakkâşlara
Şem’ pervâneye dik gelse ne var meclisde
Anı çün odabaşı kıldılar evbâşlara
Gâh ağyâr gehî çarh bize mâni’ olur
Neylesün yâr dahı devleti yok başlara
Severin yâri Revânî iki gözüm gibi ben
Dilerem Hakdan anı irişe çok yaşlara
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8