-325-
Mefâ`îlün Mefâ`îlün Mefâ`îlün Mefâ`îlün
 
1 Mesîhâ-dem sanemler derdine düşmiş zebûnem ben
 Figân ile cihân deyrinde kalmış erganûnem ben
2 Nehâr u leyli Mecnûnuñ n’ola geçdiyse mihnetde
 Garîbem bî-kesem âvâre-i deşt-i cünûnem ben
3 Degüldür Bî-sütûn ol kesdügi kûhsârı Ferhâduñ
 Ki deldi tagları tag-ı derûn-ı Şîrînem ben
4 Derûnum derdin iş`âr idemem mest olmasam yâra
 Budur bâ`is ki meyyâl-i şarâb-ı lâle-gûnem ben
5 Ziyâ’î tañ degül hûn-ı sirişke gark olursa ten
Şehîd-i tîg-i `aşk olalıdan gark-ı hûnem ben
 
 
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ