387
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Cân u dil mülkini kılduñ şâh-ı ‘âlî-şâna vakf
Bir fakîrin gerçi itdüm ben de dervîşâna vakf
Eşk-i hûnînümle rengîn eyleyüp müjgânlarum
Kıldum ol zülf-i ‘abîr-efşâne bir kaç şâne vakf
Gitmese zâhid sanemler fikri hâtırdan n’ola
Eyledüm büt-hâne-i kalbi firengistâna vakf
Ka‘be-i kûyında akıtdum şarâb-ı eşkümi
Mescid-i Aksâ'ya itdüm gûyiyâ mey-hâne vakf
Sînem ey Ravzî müşebbek bir kafesdür gûyiyâ
Eylediler anı bir murg-ı latîf elhâna vakf
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
