Merhabâ ey şeref-i bezm-i vefâ hôş geldin
Gele ey neşe-i sahbâ-yı safâ hôş geldin
Ufk-ı evc-i saâdetde mi oldun tâli
Hele bilmem bu şeb ey mâh bana hôş geldin
Zâhidâ hâli harâbâta gider inkârı
Böyle ol yohsa demez kimse sana hôş geldin
Zikr-i ebrû-yı dil-ârâ gibi dest-âvîzin
Kudsiyân nezdine ey dest-i duâ hôş geldin
Gelse bu sûretle bütgede-i hüsne eger
Bütler îmân getirip der sanemâ hôş geldin
Gelişi öyle ki bir fitne-i nev-peydâdır
Çıkdı hatt"na dedi cünd-i belâ hôş geldin
Bu hôş-âyende gazel meclis-i yârânda sana
Diye ey Gâlib-i pâkîze-edâ hôş geldin
https://ekitap.kulturturizm.gov.tr/Eklenti/10654,metinpdf.pdf?0
