Menşeü’l-İnşâ’dan
Mîr-i livâ-i Bosna taraflarından nev-müslim hakkında erkâna yazılmışdur.
Dergâh-ı hidâyet-encâm ve bârgâh-ı pâdişâh-ı İslâm türâbına lâ-zâle mukassimenü’l-erzaka’l-enâm (Yaratılmış tüm canlıların rızıkları henüz taksim olunmadı.) arz-ı bende-i nâ-bûd u nâ-kâm oldur ki lâ-cerem, mekârim-i cezîle-i pâdişâhî ve merâhim-i bî-adîle-i nâ-mütenâhî dîn-i İslâma gelenleri ercmend ve êelâletden hidâyete çıkanları behremend eyleyügelmegin işbu râfi-i ruka-i ubûdiyyet, nişân-ı şecâat-tüvân olan Yuvan nâm zimmî hidâyetullâha mazhar u inâyetullâha manzar düşüp hilkatinde merkûz olan şecâat u cibilliyetde mermûz olan firâset ü şehâmet müstedâsınca dîn-i nebevîye tâlib ve şerîat-ı Mustafâvîye kemâ-yenbagî râgıb olup ve lâkin sâ’ir zimmîlere tergîb içün mezîd-i inâyet-i husrevânîden tîmârla behredâr ve ol mevhibe-i behiyye iltimâsıyla İslâm şerefinden kâm-kâr olmagın ber-murâd buyurılmak recâsına arz olındı. Fermân ve ihsân südde-i adâlet-nişâna menûtdur (Aksoyak, 2007: 1-117).
