mefâ’ilün mefâ’ilün fa’ûlün
Men ol hoşdur ki olam rind-i ‘âmî
Degül nîgû çü zühd-i nîk nâmı
Harâbâtuñ içinde mest ü hayrân
Hırâmân geşt idüb içem müdâmî
Olam dürdî-keş-i mey-hâne-i ‘ışk
Çekem zâhid gözine karşu câmı
S1 120a ‘Alâ-ragm-ı ‘adû elden ayagı
Komayub nûş idem hoş dost-kâmî
Olam evbâş u ‘ayyâş u nazar-bâz
Dutam mey-hâne küncinde makâmı
Pey-â-pey nûş idem hamr-ı helâli
Ziyâret eyleyem Beytü’l-harâmı
İdem gark-ı yem-i mey Rûşenîyi
Unuda bî-hod olub bâm u şâmı
Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E
