[mefâ’îlün mefâ’îlün mefâ’îlün mefâ’îlün]
1 Melâhat tahtına şeh kişver-i hüsn içre Haydardur
Ki ‘ışkı Zü’l-fekârıyla göŋül mülki musahhardur
2 Gam-ı ‘ışk ile mihr ü meh tecerrüd ihtiyâr idüp
Felekler tekye-gâhında bugün iki kalenderdür
3 Hayâl-i kâküliyle dûd-ı âhum şâm-ı hecrinde
Çekilür halka halka çarha gûyâ şekl-i ejderdür
4 Gören kadd-i dü-tâmı çeşmüm ile âstânında
Sor ol erbâb-ı devletde bir iki halka-i zerdür
5 Lebi vasfıyla yârüŋ şi’r-i Rahmî silk-i nazm içre
Dizilmiş rişte-i al üzre gûyâ niçe gevherdür
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
