Mefâ‘îlün Mefâ‘îlün Mefâ‘îlün Mefâ‘îlün(1)
1. Meh-i nev ey hilâl-ebrû senüñ barmaguña degmez
Nice barmaguña vallâhi bir tırnaguña degmez
2. Güneş zer âftâbe olsa destinde su âb-ı Hızr
Perestâr-ı kamer su koymaga ayaguña degmez
3. Hilâli añma anuñ başmagı tama atılmışdur
Gümiş na‘leynüñe irmez güneş başmaguña degmez
4. Figânum gökde meh deryâda mâhî gûşına irdi
‘Aceb bilsem niçün ey gül senüñ kulagına degmez
5. Dilüñ bâg-ı fenâ kılduñsa sen ey Emrî-i dervîş
Cinânuñ hulle-i sad-bergi bir yapraguña değmez
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
