· − − / · · − − / · · − − /· · −
Der-Kâfiye-i Mücerred
1 Meger dünyâdan ebed eyleyemez kimse hazer
Meger ol kim ide dünyâ hevesinden o güzer
Aldanan ikide bir âline bu dünyânuñ
Mekr-i dünyâ nedurur bilmez ola hîç meger
Hâl-i ‘âlemden ebed olamaz âgâh u habîr
Yil gibi her dem o kim kendü hevâsına yiler
‘Âkil oldur o ki her gâh hazer üzre ola
Gâfil olmaya ol andan kim ola anda hatar
5 Nazmiyâ ola benüm gibi o kim bir mühmil
Hâli anuñ dahı benden beter olur ebter
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr
