Mef‘ûlü/ Fâ‘ilâtü/ Mefâ‘îlü/ Fâ‘ilün
Medh itdi reng-i rûyuñı Âlî gazelleri
Vasf-ı şeker-lebüñ didi Bâlî gazelleri
Devr itdi Mevlevî gibi meclisde câm-ı mey
Okındı gûne gûne Mevâlî gazelleri
Bezm içre câm kâse-i fagfûra ta‘n ider
Düşdi ayaga anda Sifâlî gazelleri
Medhinde dindi ol sanem-i hûb-hasletüñ
Vasfî gazelleriyle Hısâlî gazelleri
Elmâs-ı la‘lüñ itmege ey hâce iltimâs
Dindi Recâyi şi‘ri Su’âlî gazelleri
Hatt-ı gubâr-ı yâri görüp şâdmâniken
Sildi süpürdi anı Melâlî gazelleri
Ravzî niçe geçinmeye ‘âlemde ser-firâz
Didi o Sidre-kâmete ‘Âlî gazelleri
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
