Mecnûn odur ki gussa-i Leylâda şâd olur
Tahsîn ana ki vahş iken hoş-nihâd olur
2. Şevkum beyânına elüme çün kalem alam
Dil rikkat ile kâgıd u eşküm midâd olur
3. Sırr ile seng urur idüm seg rakîbe lîk
Korkum bu taş taşa tokınur çok fesâd olur
4. Sad âferîn o pîr-i harâbât-ı ‘ışka kim
Her kim mürîd olursa ana bî-murâd olur
5. Şâd oldı ‘ahd-i bûs-ı dehânıyla Hamdî lîk
Bî-çâre bilmez anı ki yok yire şâd olur
Ali Emre Özyıldırım, Hamdullah Hamdi Divanı, https://ekitap.kulturturizm.gov.tr/dosya/1-213627/h/giris.pdf
Hamdullah Hamdi Hayatı Edebi Kişiliği
Hamdullah Hamdi Yusuf u Züleyha Mesnevisi Ve Hamsesi
Hamdullah Hamdi Edebi Kişiliği Divanı ve Şiir Linkleri
