GAZEL
Meclise sâki-yi gül-çihre ki câm-âver olur
Rûh-ı Cemden dil-i rindâna peyâm-âver olur
İtse gülzâra güzer bâd-ı sabâ kûyından
Çemenüñ raks-künân hâki kıyâm-âver olur
Gamze tîrin hedef-i câna ki per-tâb eyler
Nâz dâmen-be-miyân aña sihâm-âver olur
Selb idüp aklı geçen nâm u nişân kaydından
Defter-i ışkda Mecnûn gibi nâm-âver olur
Kâm-ı dünyâyı Neşâtî gibi nâ-çîz gören
Devlet-i ışkda her vech ile kâm-âver olur
