Fâ‘ilâtün Fâ‘ilâtün Fâ‘ilâtün Fâ‘ilün(1)
1. Meclis-i ‘ışkuñda yaşum mey gözüm peymânedür
Çeşmüñ anuñçün gehî mahmûr u geh mestânedür
2. Murg-ı dil sayyâd-ı çeşmine nice sayd olmasun
halka-i zülfi belâ dâmı vü hâli dânedür
3. Dil hayâl-i kadd ü zülf ü ‘ârız-ı dil-dâr ile
Şekl-i serv ü sünbül ü gülle münakkaş hânedür
4. Dûd-ı pîç-â-pîç-i âhumdur ‘alâmet halkası
Dil hayâl-i la‘l-i mey-gûnuñ ile mey-hânedür
5. Zülf-i müşgîn-i nigârı Emriyâ tezyîn içün
Şânedür destüm aña barmaklarum dendânedür
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
