Fâ‘ilâtün fâ‘ilâtün fâ‘ilün
1 Manzar-ı Yezdân degil mi Üsküdâr
Me’men-i ‘irfân degil mi Üsküdâr
2 Her seher bülbülleri tevhîd okur
Tekye-i mürgân degil mi Üsküdâr
3 Derd-keşler anda olur mutma’in
Cây-ı dervîşân degil mi Üsküdâr
4 Halvet içre eylemişler inzivâ
Bezm-i abdâlân degil mi Üsküdâr
5 Sû-be-sû ezkâr iderler dâ’imâ
Mekteb-i pîrân degil mi Üsküdâr
121
6 Bir nazar kıl tavrına ra‘nâlarıñ
İşte hûb-istân degil mi Üsküdâr
7 Herkes eyler anda icrâ-yı mezâk
Mesken-i yârân degil mi Üsküdâr
8 Mâni‘i yok vecd ü hâl erbâbınıñ
‘Âşıka meydân degil mi Üsküdâr
9 Vardur ezhâr u fevâkih bî-şümâr
Zîb-i nahl-istân degil mi Üsküdâr
10 Kebş ü agnâm dil-berân tezyîn ider
Mecma‘-ı kurbân degil mi Üsküdâr
11 Zeylini bûs itmede dâ’im bahir
Dürre-i devrân degil mi Üsküdâr
Servileriñ tavrına eyle nazar
Bir garîb seyrân degil mi Üsküdâr
13 Katı çok vardur şehîd ile garîb
Medfen-i merdân degil mi Üsküdâr
14 Var temâşâ eyle kabr-istânını
Maskat-ı ebdân degil mi Üsküdâr
15 Çeşm-i ‘irfân ile baksañ Sıdkiyâ
Nûr ile rahşân degil mi Üsküdâr
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
