442
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Mahfile çıksa kaçan ol mâh-peyker Cum‘a gün
Rû-be-rû olmaz aña hurşîd-i hâver Cum‘a gün
Âsmânî câme giymiş mahfile çıkdı o mâh
Göge agdı gûyiyâ ‘Îsî peyam-ber Cum‘a gün
Yüzi nûrı itdi mü’min zümresin rûşen-zamîr
Saldı pertev câmi‘e ol mihr-i enver Cum‘a gün
Çün ikâmet okıdı hep turdı ayag üzre halk
Pes kıyâmet şüphesiz bildüm ki kopar Cum‘a gün
Câmi‘ içre göreyin dirdüm müyesser itdi Hak
Ravziyâ du‘â olur makbûl ekser Cum‘a gün
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
