[mefâ’îlün mefâ’îlün mefâ’îlün mefâ’îlün]
1 Mahabbet sûzişinden zâhid-i nâ-dâna virmezler
Gıdâ-yı rûh-ı insânîdür ol hayvâna virmezler
2 Gurûrın ref’ kılsun câm-ı ‘irfân isteyen ‘ârif
Bu meclisde şu kim ser-mest ola peymâne virmezler
3 Vücûduŋ mahv kıl esrâr-ı ‘ışk isterseŋ ey abdâl
Anı kendü özinden geçmeyen hayrâna virmezler
4 Ma’ârif ehlinüŋ zevkine câhil iremez zîrâ
Kabâ-yı atlas-ı şâhîyi her ‘uryâna virmezler
5 Bekâ bul Rahmiyâ terk eyle varuŋ zümre-i ‘irfân
Fenâ peygûlesini milket-i hâkâna virmezler
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
