202
Mefâ‘îlün/ Mefâ‘îlün/ Mefâ‘îlün/ Mefâ‘îlün
Mahabbet pîriyem göñlüm benüm bir nev-cevân ister
Melâhat âsmânında meh-i nâ-mihrbân ister
Kıyâmet-kâmet olmışsun ne zîbâ âfet olmışsun
Kıyâm it kim dil-i şeydâ kıyâmetden nişân ister
Seg-i kûyuñ beni gördükce istikbâl idüp cânâ
Ten-i zâr u nizârumdan bir iki üstühân ister
Hevâ-yı kâkül-i dildârda pervâz ider göñlüm
‘Aceb dîvânedür perr-i hümâdan sâyebân ister
Dil-i âşüfte ey Ravzî niçe dîvânedür gör kim
Ser-i kûy-ı dil-ârâmında bir ‘âlî mekân ister
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
