fâ’ilâtün fâ’ilâtün fâ’ilâtün fâ’ilün
1 Gırrelenme hüsnüñe meh-peykerüñ parlar geçer
Mâh-tâbum tâbiş-i pür-ülkerüñ parlar geçer
2 Revnak-ı meh-tâb-ı ikbâli sanurken dâéimî
Şu’le-i kettân âsâ ahterüñ parlar geçer
3 Da’vet-i keyf-i seher kasduñsa iç câm-ı tolu
Yohsa keyfi telli habb-ı ‘anberüñ parlar geçer
4 Rûşen eyler cân evinüñ revzenin şimşek gibi
Turma sînemden murassa’ hançerüñ parlar geçer
5 Atmeydânı’ndan ey çâpük-süvâr âteş gibi
Her sehergâh esb-i pür-zîb ü ferüñ parlar geçer
6 Ey ‘arûs-ı haclegâh aldanma zîb-i gâzeye
Nahl-i sûr âsâ dem-i verd-i terüñ parlar geçer
7 ‘Aks-i meh-tâb ile ey nâ-mihrbân çün âb-ı cûy
Âb u tâb-ı rûy-ı Pertev-âverüñ parlar geçer
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
