Lutfu agyâra kıl ey şûh peşîmân olarak
Sen beni cevrine şâyeste bil ihsân olarak
Hafak-ı eşk bulur subh-ı visâli bir gün
Ser-i kûyunda felek her gece bin kan olarak
Nev-bâhâr-ı gamına bülbülüz ol gonce-femin
Ararız hande-i dîrîneyi giryân olarak
Zîver-i gülşen-i âgûş olur âhir o perî
Gülerek açılarak gül gib handân olarak
Arz-ı hâl elde figân dilde zebân şevke-künân
Geldi bu Gâlib-i dîvâne gazel-hân olarak
https://ekitap.kulturturizm.gov.tr/Eklenti/10654,metinpdf.pdf?0
