Harfü’s-sîn
74.
..-- / ..-- / ..-- / ..-
Lutf it ey bâd-ı sabâ vakt-i seher-hîz ol es
‘Anber-i turra-ı dil-dâr peyâmın dile res
28b.
İdemez cünbiş-i vâ-beste-i der-dîde nigâh
Âh kim men‘e velî gamze-i kattâli ‘ases
Saña meşşâta dilüm şerha-i sînem şâne
Dil-berâ zülfüñi mıkrâs-ı muhabbet ile kes
Bârekallah zihî virmede zîb dîmüñe
Tarz-ı destâr-ı levendâneye ol kırmızı fes
Seni hem-râh-ı rakîbân gören dir ne ‘aceb
Serv-i ra‘nâ ile gûyâ salınur bir iki has
Resm olınmaz ezelî resm-i Sa‘îdâ ‘âşık
Her ne deñlü dil-i zâr itse de mânend-i ceres
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
