Nazîre Bahâriyye
 
 [Fe’ilâtün Fe’ilâtün Fe’ilâtün Fe’ilât]
 · · − − / · · − − / · · − − /· · −
 
1 Lutf-ıla gül yüzine beñzedügi-çün ezhâr
 Dâyimâ gül gibi baş üzre götürür eşcâr
 Gülüb açılsa sabâ-yıla nola gül gibi kim
 Bâgda gözin açub anı görübdür ezhâr
 Nâz-ıla seyr ide gül sende geh havz-ıla çemen
 Oldı her tâze nihâle güzelüm âyine-dâr
 Dûd-ı âhı gibidür gül yüzüñe dil virenüñ
 Bâd öñince geh gider leyl ü nehâr ebr-i bahâr
5 Yâsemen birle benefşe bugün eglencesidür
 Gülşenüñ zülf ü ruhuñ yâdı ile leyl u nehâr
Gördi gülzârda çün âb-ı revân dîdâruñ
 Ol safâdan idemez ol dahı bir yirde karâr
 Yaraşur iy yüzi gül gülşen kûyuñda bugün
 Nazmî mânendi eger bülbülüñ olursa hezâr
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr