Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Leşker-i gam kûy-ı mihnetden gelüp her ân baña
Hâne-i cân içre olur rûz u şeb mihmân baña
Ol meh-i nâ-mihrbândan çekdigüm cevri görüp
Karalar geydi bulut ra‘d eyledi efgân baña
Çıkdı ol cânân-ı çâr-ebrû elümden nâ-gehân
Ben şu nâ-çârem ki dermân idemez Lokmân baña
Hâbda nûş eyledüm cânâ zülâl-i la‘lüñi
Oldı Hızrâsâ müyesser çeşme-i hayvân baña
Lâm-ı zülf-i bî-vefâlar gibi olmazdum dü-tâ
Ravziyâ bâr-ı cefâ çekdürmese dermân bana
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
