38.
Mefâ‘îlün mefâ‘îlün mefâ‘îlün mefâ‘îlün
Hezec . - - - / . - - - / . - - - / . - - -
01. Lebüŋden dad umup saŋa göŋül feryâda gelmişdür
Meded zulm ėdüp öldürme esirge dâda gelmişdür
02. Gubâr-ı kûy-ı cânân olduğuŋ tuymış sabâ ėy dil
Götürüp hâkden yine mübârek-bâda gelmişdür
03. Kul oldı cân-ıla göŋlüm yine bir serv-i âzâda
Egerçi-kim cihân gülzârına âzâde gelmişdür
04. Sunulmış cân-fezâlık devr içinde câm-ı la‘line
Velî kan eylemek ol gözleri cellâda gelmişdür
05. VUSÛLÎ yadlarla dil-berâ feryâd ėder sensiz
Meger kim yad olan ‘ahd-ile peymân yâda gelmişdür
Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010
