45
Mefâ‘îlün Mefâ‘îlün Mefâ‘îlün Mefâ‘îlün
1 Lebüñ ‘aksiyle cânâ gabgabuñ câm-ı hilâlîdür
Anuñçün bu dil-i dîvâne mest ü lâübâlîdür
2 Ol iki sünbül ey servüm gülistân-ı ‘izâruñda
Biri biriyle boydaş iki taze gül nihâlidür
3 Lebi agzuma sögdükçe bulur bu hasta cân sıhhat
Dilâ ol pîr olası gonca-veş agzı du‘âlıdur
4 Görüp kaşını îd-i vaslın umdugın dil-i miskîn
İşidüp ol hilâl-ebrû ayıttı kim hayâlîdür
5 Bu kanlu kanlu tâze dâglar ile göñli Sun‘îniñ
Nigârâ bâg-ı ‘ışkuñda karanfüller safâlıdur
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
