Fāʿilātün fāʿilātün fāʿilātün fāʿilün
Leblerüñi gördügümce dōstum cān imrenür
Yalıñuz bir ben miyem kāfir müselmān imrenür
Göreli zülfüñ şebinde yüzüñüñ envārını
Çerẖ ser-gerdān olupdur māh·ı tābān imrenür
Serv ḳaddüñ nāzla seyr etdügince bāġda
Her yaña aġzı ṣuyı aḳar aña büstān imrenür
Bāġ·ı ḥüsnüñde ṣabā depretdügince zülfüñi
Ġoncalar ḥandān olup zülfüñe reyḥān imrenür
Düşmişem çāh·ı zenaẖdānuña gerçi rāḥatam
Ḥamdülillāh ḥālüme her ehl·i zindān imrenür
Ḥoḳḳa·i yāḳut içre billāh ol dür-dāneye
Kim ola cān virmeye ol baḥre her kān imrenür
Derdini derdine dermān ideliden dil-berüñ
Mihrīnüñ her vechile derdine dermān imrenür
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
