Lebleründür âb-ı hayvân gözlerün mey-hâneler
Murg-ı cânı sayd-ı ışk itdi şu dâm u dâneler
Cennet-i vaslundan ayru ey dil-ârâmum menüm
Âşinâ hâlın ne bilsün gâfil ü bîgâneler
Çün bu vîrân gönlümün mimârı ışkundur şehâ
Z’ân sebeb mamûr-ı ışk oldı dil-i vîrâneler
Dâne-i hâlün giriftâr-ı ebedî kıldı meni
Şem-i ruhsârunda yandı tâ ebed pervâneler
5. Susadı la‘lün şarâbından bu cân-ı teşne-dil
Tâ lebün devrinde cûş itdi şehâ peymâneler
Işkunuz yolında cân kurbân kılandur pây-dâr
Her dili egride yohdur davî-i merdâneler
Ey Hakîkî cânunı cânâna kurbân kılmağa
Kılmagıl taksîre kılgıl özr-i dervîşâneler
Vâizâ efsâneyi terk it ki yohdur hâsılı
Derd-i cânân çekmeyen câhildedür efsâneler
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
