55
Fâ‘ilâtün Fâ‘ilâtün Fâ‘ilâtün Fâ‘ilün
 
1 La‘lini agzuma virmişken çeker ol şâh alur
Nice dirsüñ ey göñül cânı viren Allâh alur
2 Ol şeker-lebden umaram dâdumı Allâh ala
Bunca yıllardur figân u âhumı Allâh alur
3 ‘Işk-ı yâra mübtelâ derd ile âh eyler göñül
‘Âkıbet bî-çareyi ol derd ile bu âh alur
4 Düşmeni sen öldüresin yâ meger Allâh ala
Bûseyi ‘Îsî lebüñden her nefes ey mâh alur
5 Niçün açılduñ ele fâş eyledüñ râzum diyü
Sun‘i ey şâhum ele dîvânını her gâh alur
6 Düşmeni Allâh alsın şevk ile bir vech ile
Yüzüñ öpüp mâhdur bûseñ senüñ her gâh alur
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep