Fâ‘ilâtün Fâ‘ilâtün Fâ‘ilâtün Fâ‘ilün
1 La‘l-i sâkî gerçi hoşdur sâgar-ı sahbâ da hoş
Nagme-i ney dil-keş ammâ kulkul-ı mînâ da hoş
2 Hakk bu kim bî-minnet-i gerdûn bu ‘işretgâhda
Dâmen-i maksûd el virmezse istignâ da hoş
3 Hoş nümâdur dilrübâlardan leb-i pür-hande lîk 3a
Girye-i bî-ihtiyâr-ı ‘âşık-ı şeydâ da hoş
4 Bî-tekellüf hûblardan hûbdur resm-i vefâ 4a
Yoksa ‘uşşâka ümîd-i va‘de-i ferdâ da hoş
5 Benzedüp hûrşîd ü mâha ‘ârız-ı cânâneyi
Tâ bu hadd gerdûn ile Âgâh istihzâ da hoş
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
