Fâ‘ilâtün/ Fâ‘ilâtün/ Fâ‘ilâtün/ Fâ‘ilü
La‘l-i cânânı kimüñ k’eyledi dendânı şikest
Yeridür taşlar ile eyleseler anı şikest
Vuslatuñda lebüñe irgüren ey cân hicrân
Kılur ey rûh-ı revânum dem olur cânı şikest
İsterüz Hızr hatuñ beklesün ey cân gelsün
Kılmasun kimse leb-i Çeşme-i Hayvân’ı şikest
Gül-‘izârum ‘acebâ niçe dikendür iden
Bâg-ı hüsnüñdeki bu gonca-i handânı şikest
Hâtem-i la‘lüñi cânâ kim idüpdür böyle
Kankı eyledi dil-i mühr-i Süleymân’ı şikest
Yine bâzâr-ı belâgatde Behiştî nazmuñ
Kıldı kıymetde dür-i güfte-i Selmân’ı şikest
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
