Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Vardıgumca Merve hakıçün Safâ’sın gösterür
Kûy-ı dil-ber Ka‘be’dür kim Mustafâ’sın gösterür
Zahm-ı sînem şerh idersem ‘arz idüp şemşîrini
Ol tabîb-i cân u dil derdüñ devâsın gösterür
Gerçi zâhid ehl-i sünnetden cemâ‘atden degül
Mescide varur velî halka riyâsın gösterür
Aña her kim girse çıkmaga heves kalmaz meger
Cennet ey hûrî-sıfat kûyuñ hevâsın gösterür
Her kaçan kim seyr-i gülzâr eyleseñ ey gonce sen
Saña bülbül medh okur hasen edâsın gösterür
191
Mihr o mâhı arayu gitmiş meger barmag ile
Mâh-ı nev ol mâh-rûy-ı bî-vefâsın gösterür
Yirlere çalan seni kimdür didüm Ravzî baña
Göklere pervâz iden devlet hümâsın gösterür
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
