353
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Taht-ı ‘âc üzre çıkup dünyeye sultân oldı kış
Şarka garba hükm idüp gûyâ Süleymân oldı kış
Penbe-i berf ile pür kıldı cihânı ser-be-ser
Kürte-i beyzâ giyüp Hallâc-ı devrân oldı kış
Bir kucak heyzüm bulunmaz kim ta‘âm ahzâr idem
Hâne-i vîrâneme nâ-gâh mihmân oldı kış
Ra‘d u bârân sanma her dem gûş idüp seyr itdügüñ
Gördi hâl-i derdnâküm zâr u giryân oldı kış
Ravziyâ gerçeksin ammâ bir gün ola diyesin
Nev-bahâr eyyâmı geldi gitdi yalan oldı kış
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
