[fâ’ilâtün fâ’ilâtün fâ’ilâtün fâ’ilün]
 
1 Kül idüp eczâmı yakmak oldı çünkim hû saŋa
Lutfuŋ âbı sâkin itmezse begüm yâ hû saŋa
 
2 Kılca ben bîmârı bûy-ı zülf ile yâd itmedüŋ
Ey sabâ ol sag esen dâyim kalursa bu saŋa
 
3 Sanma gül gibi güler yüz gösterür ey seg rakîb
Rîş-hand ider müdâm ol gözleri âhû saŋa
 
4 Şöyle bî-rahm oldı yârüŋ lebleri ey teşne-dil
Mâ dimez öldüm meded dirseŋ bir içüm su saŋa
 
5 Mest olup dîvâne olduŋ Rahmiyâ mey isteme
Hürmet itmez çün bilürsin ol delükanlu saŋa
 
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,