38
NAZÎRE Lİ-CENÂB-I BELÎG-İ PÂKİZE-EDÂ
(Fâilâtün Fâilâtün Fâilâtün Fâilün)
1 Kondu fass-ı kâlebe çün gevher-i yektâ-yı rûh
Oldu nâm-ı âdemî nakş-ı nigîn-ârâ-yı rûh
2 Olmadı zevk-âşinâ-yı rü’yeti çeşm-i hıred
Girmedi âgûş-ı fehme şâhid-i manâ-yı rûh
3 Jeng-dârî-i anâsırdır mebâdî-i suver
Oldu andan levh-i dil âyîne-i sîmâ-yı rûh
4 Hâr-ı gaflet câme-çâk-i sıhhat olsa gül gibi
Rişte-i medd-i nefes olmaz rüfû-bahşâ-yı rûh
5 Pîrehenle gördüm anı şem-der-fânûsveş
Cismi rûh-ı pür-fütûh u pîrehen mînâ-yı rûh
6 Mâye-i cân bûsesi mânende-i câm-ı Elest
Haşmetâ dedim leb-i rengînine sahbâ-yı rûh
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
