35.
. - - - / . - - - / . - - - / . - - -
1.Kitâb-ı hüsnüñe tab‘ ehli mir’atü’s-safâ dirler
Ruh-ı pür-tâbuña mû gelse hatt-ı dil-güşâ dirler
2.Görüşmek düşmediyse şâhum ögren Rûm ilidür bu
Öperler bunda ‘âşıklar seni de merhabâ dirler
3.Niyâzın diñleyüp efsâne sanmañ yâre ‘uşşâkuñ
Aña ‘aşk ehli cümle kıssa-ı mihr ü vefâ dirler
4.Tedârük üzre ol gûş eyle pendüm varıcak yirdür
Yakında bir mahal var râhat-âbâd-ı fenâ dirler
5.Kelâm-ı mu‘ciz-âsâruñ meger enfâs-ı ‘İsâdur
‘Atâyî medh idenler aña şi‘r-i cân-fezâ dirler
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
