Mefâ‘îlün Mefâ‘îlün Mefâ‘îlün Mefâ‘îlün(1)
 
1. Kimüñ geçseñ öñinden sanma arduñca baka kalmaz
 Baka kalur gözi ammâ vücûdından bekâ kalmaz
2. Safâdur ‘aks-i rûy-ı meh-veşüñ âyîne-i dilde
 Gelüp karşu görinmezseñ gider anda safâ kalmaz
3. Sabâ ben hastayı hâk-i rehiyle örte ko lutf it
 Eger ölmezse altında anuñ bu mübtelâ kalmaz
4. Giceyle bende bûy-ı sünbüli yâruñ kalur dirsin
 Çıkarsañ subha sıhhatle bu ey şeb-bû saña kalmaz
5. Okına Emrî gögsin gerdüginden ol kaşı yânuñ
 Eger tîrin kalur dirse geçer andan aña kalmaz
 
 
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427