17.
 . . - - / . . - - / . . - - / . . –
 
1.Kimse yâd eylemez öldürse beni ol gözi mest
 Üstühânumla meger itleri duta yâ dest
2.Bagrumuñ bagladı başın o tabîb-i dil ü cân
 İtdi tîmârını gûyâ ki sipâhî ser-best
3.Penbe-i dâg-ı dili tâzelese lutfından
 Ursa ol sîm-beden sîne-i efgâruma dest
4.Câmdur câmi‘-i ‘işretde firûzân kandîl
 Her gice anı uyandursa nola bâde-perest
5.Beli dirse ne ‘aceb neşve-i merd-efgenine
 Ey ‘Atâyî anı kim mest ide sahbâ-yı elest
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994