Fe‘ilâtün Fe‘ilâtün Fe‘ilâtün Fe‘ilün
1 Kime hem-sohbet idün bezmde yârun kim idi
‘Aceb ârâstesin âyînedârun kim idi
2 Kayd-ı reftârdan âzâde iken serv gibi
Lâübâli sebeb-i geşt ü güzârun kim idi 2b
3 Şem‘-i rûyundan alur bûy-ı per-i sûhte-i dil 3a
Söyle pervâne-i bî-sabr u karârun kim idi
4 Gûşuna nâlemüzün ragbeti yok âh kadar 4a
‘Andelîb-i çemen-ârâ-yı ‘izârun kim idi
5 Sende yokdur bu metânet bilürüz Âgâhuz
Leb-i hâmûşuna tenbîh-i şümârun kim idi
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
