168.
- . - - / - . - - / - . - - / - . –
1.Kayd-ı dünyâdur dil-i pür-ıztırâbı iñleden
Târ-ı beyt-i ‘ankebûtdur zebâbı iñleden
2.‘Aşk degül mi nâle-i dil-sûz-ı bülbül mi ‘aceb
Bâgda giryân idüp dûlâb-ı âbı iñleden
3.Cism-i zerd ü kadd-i ham birle misâl-i çeng ü nây
Hâlet-i ‘aşk u hevâdur şeyh ü şâbbı iñleden
4.Dûd-ı âhumdur benüm çeşm-i nücûmı agladan
Ra‘d-ı nâlemdür dem-â-dem nüh-kıbâbı iñleden
5.Âhum işitse ‘Atâyî nâle eyler kûhsâr
‘Aşkumuñ te’sîridür seng ü turâbı iñleden
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
