Fâ‘ilâtün Fâ‘ilâtün Fâ‘ilâtün Fâ‘ilün(1)
1. Kaşlaruñ kim ‘ayn-ı la‘l-i dür-feşân üstindedir
Pül-durur gûyâ ki bir cûy-ı revân üstindedür
2. Kâmetüñ üzre ruhuñ ey gül-‘izâr-ı lâle-had
Gûyiyâ bir gül-durur serv-i revân üstindedür
3. Ruhlaruñ üzre beñüñ ey âfitâb-ı zerre-fem
Şol sitâredür ki mihr-i âsumân üstindedür
4. Kâmetüm ol râya dönmişdür ki cevr altındadur
Kaşuñ ol nûndur ki nûr-ı zü'l-menân üstindedür
5. Kanlu yaşum üzre Emrî bu felek beñzer hemân
Şol habâba kim şerâb-ı ergavân üstindedür
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
