Ķaśįde-yi Nāǿili DernaǾt-ı Ĥażret-i Nebiyü’l-Hāşimį Śallallahu ǾAleyhi ve Sellem
MefǾūlü / FāǾilātü / MefāǾįlü / FāǾilün
1. Nuŧķ-āferįn ki ŧabǾıma feyż-i maķāl ider
İlhām-ı naǾt-ı mefħar-ı aśĥāb u āl ider
2. Şükr-i niśāb-ı naǾt ile dād-ı süħan-veri
Nev-tūŧi-yi zebānımı şeker-nevāl ider
3. İǾcāz-ı naǾtı kim ķalem-i mū-şikāfımı
Śūret-nigār-ı deyr-i bütān-ı ħayāl ider
4. Feyż-i ŝenāsı her birine nuŧķ-ı cān virüp
Raŧbu’l-lisān-ı meĥmedet-i lā-yezāl ider
5. Ĥālā ki ħāyizim şeref-i naǾt-ı pākine
Bir serverüñ ki midĥatini Zü’l-Celāl ider
6. Ĥassānuñ eyledüm dir isem şād rūĥunı
ǾĮsį zebān-ı reşk ile taśdįk-i ĥāl ider
7. ŻāyiǾdür ey sipihr-i sitem ger iǾānetüñ
Yoķdur benimle daǾvi-yi nažm u maķāl ider
8. Bu Ǿarśa-yı mefāħiretüñ yekketāzıyım
Gelsün benimle vār ise ceng ü cidāl ider
9. Ħāķāniyim ki Feyżi-yi Hindį vü Enverį
ŦabǾımdan istifāże-yi nūr u cemāl ider
10. Ŧālib-terāneyim ki mezāyāsı nažmımuñ
Ervāĥı mest-i zemzeme-yi vecd ü ĥāl ider
11. Ol feyż kim selāset-i nažmımdadur anı
Ne cūy-ı Selsebil ü ne āb-ı zülāl ider
12. Ol Hürmüs-i meǾāric-i nuŧķum ki sözlerim
Rusŧoyı Ǿaķlı ĥikmet-i maǾnįde lāl ider
13. Muħtārım olsa semt-i Fużūlį nažar ķılan
Cūy-ı ŧabįǾatim Şaŧ u Ceyĥūn ħayāl ider
14. Meşāŧa-yı ķalem reşeĥāt-ı midādımı
Yer yer cemāl-i şāhid-i maǾnāya ħāl ider
15. Ħāmūş-ı ĥayretim ki ħıred naķd-i himmetim
Vaķf-ı binā-yı medrese-yi ķįl u ķāl ider
16. Ey müddeǾį mefāħiretim görme nārevā
Fehm it bu remzi ki saña şerħ-i meǿāl ider
17. Faħr eylemez mi nažmile ol nükte-senc kim
Medĥ-i Ĥabįb-i pādşeh-i bį-zevāl ider
18. Mişkāt-ı bārgāh-ı taķarrub ki mihrden
Kem zerre-yi Ǿināyeti refǾ-i suǿāl ider
19. Ser-cādde-yi şerįǾati kim pāk-rįzini
Pey bürde-yi girįve-yi semt-i đalāl ider
20. Maķrūn idüp nevāziş-i dest-i şefāǾate
Dāru’l-emān-ı şefķati āsūde-ĥāl ider
[84a] 21. Raǿyet-firāz-ı naǾtınuñ ol server-i rusül
Maĥşerde cilvegāhını ferş-i žılāl ider
22. Zįr-i livā-yı ĥamd-ı şefāǾatde ol ġarįb
Taĥśįl-i ķadr u menzilet-i bākemāl ider
23. Reşkā ziyāret-i ĥarem-i ravża-yı Resūl
Kim ceyb-i cāna rįziş-i nāf-ı ġazāl ider
24. Züvvār-ı cān-sipārı ki meşyen Ǿale’r-ruǿūs
Ŧayy-ı reh-i menāzil ü şedd-i riĥāl ider
25. Görsün teķaddüm-i şeref-i ħāk-būsda
Kerrūbiyān-ı Ǿarş ne yüzden cidāl ider
26. ǾAnber-sirişt-i ħākine baķsun ne vechile
Ervāĥ-ı fevc fevc-i rusül rūy-māl ider
27. Seyr eylesün leŧāfet-i ferş-i sitebraķı
Ol ferş-i Ǿanberįni ki göz yaşı āl ider
28. Yā Rab olur mı ol dem-i dil-sūz kim beni
Ol ravżanuñ saǾādeti ferħunde-fāl ider
29. Maĥmil-keşān-ı Ǿazmi beni ol menāzilüñ
Āvāze-yi ĥadį ile āşüfte-ĥāl ider
30. Ben źerreye o maŧlaǾ-ı nūr-ı şühūddan
Ħüddām-ı bāsaǾādeti Ǿarż-ı cemāl ider
31. Ġam çekme Nāǿilį ki ŝenāsı o Ĥażretüñ
Erbāb-ı nažmı nāǿil-i ķurb-ı viśāl ider
32. Ferdā olur o şāǾire dūzaħ ĥarām kim
NaǾt-ı Nebįde nažmını siĥr-i ĥelāl ider
33. Ey münkir-i tecerrüǾ-i śahbā-yı faķr olan
Añ neşvesin ki defǾ-i ħumār-ı kelāl ider
34. Āgāh-ı luŧf-ı neşve-yi śahbā-yı telħ olan
Her ķaŧresin ķarābe-yi kevŝer ħayāl ider
35. Faķr u rıżāda ĥüsn-i sülūk-ı Muĥammedį
Ħˇāhiş-gerān-ı devleti ħāmūş u lāl ider
36. Ķārūn odur ki servet-i faķr u fenā anı
Müstaġni-yi tecemmül-i māl ü menāl ider
37. Luŧf-ı hevā-yı Ǿālem-i himmet derūnunı
Ehl-i dilüñ riyāż-ı behişt-iǾtidāl ider
38. Yoķdur anuñ niśāb-ı ġınādan naśįbi kim
Faķr u fenā muǾāmelesinden nekāl ider
39. Ǿİzzet bulan bu meşġaleden bį-niyāzdur
Nefs-i Ǿazįzi sūy-ı ŧaleb bed-sikāl ider
40. Ey ŧālib-i ķarābe-yi cullāb-Ǿāfiyet
Devrān śaķın śaķın ki saña mekr ü āl ider
41. Sākįsine bu maśbaŧanuñ itme iǾtimād
Ķand-ı neşāŧı māye-yi zehr-i melāl ider
42. Aldanma naķş-ı devlete kim bāzi-yi felek
Śad-śāle pįri ŧıflek-i nāħorde-sāl ider
43. Şuġl-ı źamįm-i devlet-i dünyā-yı dūn seni
Dergāh-ı ķurbdan ayırır bed-fiǾāl ider
44. Sevdā-yı ħām-ı devlet-i deh-rūze ĥāśıluñ
Māħūlyā-yı meşġale-yi bįmeǿāl ider
45. Śūret-nümā-yı devlet ü iķbāl olursa çarħ
Bir yüzden anı da sebeb-i infiǾāl ider
[84b] 46. Tefvįż idüp umūrını Ǿāķil meşiyyete
Fermān-ı Ħāliķu’l-beşere imtiŝāl ider
47. Nādān reh-i ħilāfa düşüp pāy-bend olur
Esb-i Ĥarūnı vaĥşeti pā-der-şikāl ider
48. Pāyān-ı naǾtı vaķt-ı dürūd-ı revānıdur
Ol Ĥażretüñ ki rūĥa Ǿaŧā-yı nevāl ider
49. Derħˇāst-ı şefāǾat ile tā süħanverān
Vaśf-ı peyāmberān-ı bedįǾü’l-cemāl ider
50. Ķadr-i kemāli şān-ı nübüvvet bülend idüp
Erbābı tā merātibine iştiġāl ider
51. Olsun yolunda ħūşe-ber-i ħırmen-i duǾā
Ol kim ümįd-i zād-ı reh-i irtiĥāl ider
52. NaǾtından eylesün ŧaleb-i ruķǾa-yı emān
Hevl-i Ǿitāb [o] bįdili maĥşerde lāl ider
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
