Mihr ü meh kim âlemi pür-nûr eder her rûz u şeb
Encüm ü şebnemle hoş tesbîh ederler rûz u şeb
2. Küfr ü îmân hem celâliyle cemâlin bendesi
Mihr ü meh mengûş-ü gûşî iki çâker rûz u şeb
3. Mihr ü mehdir şemse-i cildi kitâb-ı hamdinin
Kudretinden muhtasâr bir hoşça defter rûz u şeb
4. Mâh sakkây"-yı safâdır çeşme-i mihre varip
Gülşen-i dehri eder irvâ-yı Kevser rûz u şeb
5. Mihr keştî mâh sandâl âsumân bahr-ı kerem
Nakl ederler nimet-i Yezdânı yekser rûz u şeb
6. Mihr ü meh gâhî ufûl ü geh gurûb ile geçip
Dâimâ buhrân-ı “innî”ye verir fer rûz u şeb
7. Mâh sevdâ-yı ubûdiyyetde mihr âteş-feşân
Nûr-ı şevkiyle cihân pür-zîb ü zîver rûz u şeb
8. Mihr şeker-rîz –i midhat mâh şîrîn kam-"şükr
Birbiriyle oldular çün şir ü şekker rûz u şeb
9. Mihr ü mehden sanmâ ey bîgâne-i tavr-ı edeb
Gencefe-bâzî eder çarh-ı sitemger rûz u şeb
10. Belki mihr ü mâhıetmişdir zebân ile dehân
Pîr-i çârh âyât-ı lutfun eyler ezber rûz u şeb
11. Mihr ü meh sanma felekde kûçegerd-i herze-tâz
Hidmet üzre iki tıfl-ı hâne perver rûz u şeb
12. Mihr ü meh pervâne-i şem-i tecellî-i Hudâ
Anun için devr eder kiver-be-kiver rûz u şeb
13. Mâh mizâb oldu dolâb-ı sipihre mihr delv
Nûr ifâza eyler âfâka serâser rûz u şeb
14. Mihr ü mehden feyz alıp pes bu giyâh ile zemîn
Bîn zebân ile Hudâyâ hamd ederler rûz u şeb
15. Müstefid-i mihr olsun mâh ber kavl-i hakîm
Mihri kim irâk ile kıldı münevver rûz u şeb
16. Mihr ü mâh eyledi emri çü urcûn-ı kadîm
Oldular fermân-ı Mevlâyâ musahhar rûz u şeb
17. Çarha sordum mîhr ü meh nâm" iki ulvî güher
Nakşa-ı kudret şânın etmiş neyle ber-ter rûz u şeb
18. Mihr ü meh gülmîh-i süllemdir dedi miracına
Ol Resûlün kim cihâna bahş eder fer rûz u şeb
19. Hâzret-i sultân mihr ü meh gulâm ü arş ü ferş
Kim per-i Cibrîli eyler bâliş-i per rûz u şeb
20. Nûr-ı mihr-i subh-ı mâ evhâ meh-i esrâ ki ol
Olmâsa aşkı kef-i efsûs ederler rûz u şeb
21. Pehlevân-ı Kâbe kavseyn mâh çevgân mihr gûy
Ol ki râh" sidrede cevlân eyler rûz u şeb
22. Mihr ü meh nâleyn Arş-ârâmgeh ü kürsî-vekâr
Böyle der huddâmına kerrubîyân her rûz u şeb
23. Mu’cizâtı vasf ider çarhûn medâr-ı gerdişi
Mihr Hayber meh gazâ-yı Bedri söyler rûz u şeb
24. Mihr ü meh dâim tehâlüf üzre eylerken güzer
Hıtta-i adlinde seyr eyler berâber rûz u şeb
25. Hey ne hayret-bahş mihr ü meh mübârek unsuru
K"ld" ebri dest-i kudret sâye-perver rûz u şeb
26. Hâne-i zeyndir sipihr ü mihr ü meh ebrû vü ser
Zeyn-pûş olmış Burâkına serâser rûz u şeb
27. Mihr burc-ı “Ved-duhâ” vü mâh” Vel-leyl”-i münîf
Es-sala eyler cenâbına melekler rûz u şeb
28. Mihr ü meh olsa sadef deryâ-yı nûr olsa cihân
Olamazdı gevher gevher-i aşkına masdar rûz u şeb
29. Lik mâhz-ı dâd-ı Hakdır kalbî mihr ü çeşm-i mâh
Oldular envâr-ı ihsânına Mâhzar rûz u şeb
30. Sâlikân-ı râhına mihr ile mâh berk-i sefer
Pa-bürehne Hızr u Clyâs oldu rehber rûz u şeb
31. Mâh u mihri dü gül-i rûy-ı sefîdi neylesin
Hâk-ı pâyına eder ihdâ felekler rûz u şeb
32. Mih ü meh encüm felek hurşîd-i çarh-ı himmeti
Oldu esfîd ü siyâh-ı nûri yekser rûz u şeb
33. Pâye-i sıdk u safâda mihr ü meh Bûbekr Ömer
Dahı Zinnûreyn lutfiyle mübeşşer rûz u şeb
34. Pençe-i şîr-i Hudâdır mihr ü mehdir Zülfikâr
Çem-i hussada bu mana günden ezhar rûz u şeb
35. Mihr ü meh leşker şehenşâhâ şefâat-perverâ
Ey ki zâtın mâni-i Levlâke mâzhar rûz u şeb
36. Mâh-ı sadrında elem neşrâh ıyân çün mihr-i aşk
Kalb-i pâkın Li mâ Allâh ile hôş-ter rûz u şeb
37. Mihr hüsnün mâh- imân-ı kâbûlîdir garaz
Âlem-i lâhûtdan bu arz-ı muhzır rûz u şeb
38. Âfitâba mihr ü mâh ile teber berdûş olup
Nüh felek seyyâh-ı aşkındır gezerler rûz u şeb
39. Saldı pertev mihr-i zâtın kurs-ı mihr ü mâha çün
Sâyedir kim düşdü rûy-ı hâke yer yer rûz u şeb
40. Mihr olur aşkınla sergerdân mehdir sîne-çâk
Âdem ü âlem tufeylindir serâser rûz u şeb
41. Top mihr ü tîg mehdir dest-i âteş destdir
Leşkerin olmâz mı a’dâyâ muzaffer rûz u şeb
42. Mihr-i re’yin mâh-ı akl-ı evvele vermezse feyz
Gird-i hayretde kalır bî-nûr bî-fer rûz u şeb
43. Mihr ü mehdir bu sipihrin nûr-ı aynı neyleyim
Bilirem vallâh olmâz sana mefhar rûz u şeb
44. Mihr ü mehdir bâl ü per ankâ-yı beyt-i na’tına
Lîk evc-i aczdan pervâz ederler rûz u şeb
45. Mihr i manî vü meh-i mazmûn olmâzdı bedîd
Tâb’a vasfınçün tulû eyler serâser rûz u şeb
46. Mihr ü meh-veş çâker-i şehzâdegânın add olup
Es’ad olsun Gâlib ey Hâh-ı Peyember rûz u şeb
47. Mâh-" tâb’ım Mâhzar olsun nûr-ı mihr-i mihrine
Tâ olam kevneynde mes’ûd ü bîhter rûz u şeb
48. Mihr ü mehden sâfterdir s"dk u ihlâs"m velî
Oldum isyân-ı peyâpeyle mükedder rûz u şeb
49. Mihr ü meh-veş gark-ı nûr olsa nola dest-i du’âm
Çün usâta lutf u ihsânın mukarrer rûz u şeb
50. Aczin ikrâr eyle ey dil mihr ü mâh oldu tamâm
Dahı âgâz-ı medîhinde suhan-ver rûz u şeb
51. Kûs-ı mihr ü meh çalındıkça bu nevbethânede
Geh ma’âş u geh libâs olup mükerrer rûz u şeb
52. Hevk u şâdîlerle dâim çarha mihr ü mâhına
Bendegânın bahş kılsın hil’at efser rûz u şeb
53. Mâh sâî-i selâm ü mihr olup peyk-i dürûd
Kâm-yâb olsun kâbûliyle bu kemter rûz u şeb
https://ekitap.kulturturizm.gov.tr/Eklenti/10654,metinpdf.pdf?0
