185
Mefâ‘îlün/ Mefâ‘îlün/ Mefâ‘îlün/ Mefâ‘îlün
Kapucızâde dirler şehr-i hüsn içre bir âfet var
Kapuya giderin şâha o zâlimden şikâyet var
Zebûn olmış ‘asâsından niçe Fir‘avn olan ser-keş
‘Asâ-yı hazret-i Mûsâ-sıfat anda kerâmet var
O şâhuñ âsitânında n’ola derbân olursam ben
O dergâha şu kim bende olur başında devlet var
Yanumdan geçdi sür‘atle ‘asâya tayanup kaldum
Didüm her kande kim ‘azm eyleseñ sag u selâmet var
Za’îf ü nâ-tevân olup ‘asâya düşdüm ey Ravzî
Ne dilde sabr u ârâm u ne tende istirâhat var
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
