76
Fe‘ilâtün Fe‘ilâtün Fe‘ilâtün Fe‘ilün
1 Kankı ‘âşık ki gubâr-ı reh-i cânân olmış
Tahtını yel götürüp kendi Süleymân olmış
2 Göricek nûr-ı cemâlüni taparken nâra
Kaldırup barmagını şem‘ müselmân olmış
3 Hatt-ı sebzi n’ola kazılsa anuñ la‘linden
İricek Hızr hayât âbına pinhân olmış
4 Ger şeb-i gamda sorarsâñ dil-i miskîn hâlin
Şem’ gibi gözi giryân özi biryân olmış
5 Sun‘i bâdeyle perî-rûları teshîr itmiş
Ol gedâ hâtem-i câm ile Süleymân olmış
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
