Kandadur ol şarâb-ı reyhânî (729/1)
Ki begenmez gül-ile reyhânı
Râhat-ı rûhdur sebeb bu ola (729/2)
Ki diler rûh u akl u dil anı
Cân u dil derdidür bu sabr-ıla hûş (729/3)
Bâdedür bâde varsa dermânı
Kehrübâya eger irişür-ise (729/4)
Düzede anı lal-i rümmânî
Nice ümmü’l-habâyis oldı adı (729/5)
Çün riyâdan arıdur ol cânı
Mey-i reyhânı oldı râhat-ı cân (729/6)
Hâsa ki_ola harîf-i rûhânî
Ahmedî gey sahın ki peymâne (729/7)
Sımasun itdügüñ bu peymânı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
