[Fâ’ilâtün Fâ’ilâtün Fâ’ilün]
− · − − / − · − − / − · −
1 Kan yaş her dem ki dil seyyâl ider
Saña bu hâl-ile ‘arz-ı hâl ider
Saña ‘âşık kanda itse ‘arz-ı hâl
Rûy-ı zerden kan yaş-ıla âl ider
Âdeme meyl itmedügüñ âdemi
İy perî şânum perîşân-hâl ider
İy perî şol hâlet-i ‘aşkuñ senüñ
Âdemi dîvâne vü abdâl ider
5 Mest olub kapuñda agyâr-ı habîs
Her güzel her dem kabîh ef’âl ider
Dakınub atına zil agyâr-ı hır
Kendini hey’etde bir deccâl ider
Nazmî agzuñla belüñ vasf idicek
Hep hayâl-engîz kîl u kâl ider
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr
