197
. . - - / . . - - /. . - - /. . –
Kâmetün ‘ar’arıdur zîneti sahn-ı çemenün
Hat-ı sebzün durur ârâyişi berg-i semenün
Fâyide idemedi kılca tolaşup saçuna
Kendüye kaldı yüzü karası misk-i Hotenün
Leb-i la’lüne nice öyküne kim bir bûsen
Kan bahâsı durur ey dost ‘akîk-i Yemenün
Ne kadar geldise hat ‘ârızuna öykünemez
Gerçi kim âb-ı revân yüzi suyıdur çemenün
Hoş safâyıla Revânî seni koçardı eger
Ey semen-ten aradan çıksa idi pîrehenün
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
