398
- - . / - . - . / . - - . / - . -
Kan ağlasam kapunda nola âh u vây ile
Hoşdur şarâb sohbeti ey dost nây ile
Her gün güneş kapundadur ey meh kulun gibi
Hidmet içün yanaşdı sana benzer ay ile
Gördükçe bana sögse o meh hîç ‘aceblemen
Kim yılduzı barışmadı ben mübtelâyile
Bin kerre sögdi ağzuma bir demde ol nigâr
Bir bûsesini alımadum bin belâyile
Uğurlayın gelür gider ey dost kûyuna
Bir gün ne toz kopar göresin sen sabâyile
Ta’n eyleme Revânî’ye her gün içer diyü
Nâzükdür ol ki ‘ömri geçürür safâyile
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
