73
Mefâ‘îlün mefâ‘îlün mefâ‘îlün mefâ‘îlün
1 Kamu bir bahriñ emvâcı gider bir bir gelür bir bir
Ne pehnâ bahr-i bî-pâyân gider bir bir gelür bir bir
2 Libâs-ı nev-be-nevle cezr ü meddi bir karâr üzre
‘Aceb ‘aynı mıdur gayrı gider bir bir gelür bir bir
126
3 Sefâyin bî-haber ne cânibe sevk itdigin bilmez
Kimi şarka kimi garba gider bir bir gelür bir bir
4 Ne fülkler gark olupdur kimse bilmez bu muhît içre
Mücedded yine emsâli gider bir bir gelür bir bir
5 Muhâlif bâd vezân olsa dümenci şaşırur fenniñ
Ne yelken ne dümen ma‘lûm gider bir bir gelür bir bir
6 Hevâ bir bâd bir hem bahr bir ehl-i dümen de bir
Musanna‘ fülkler her ân gider bir bir gelür bir bir
7 Dümenci hâzıkıñ elden bırakma dâmenin Sıdkî
Bu bahriñ hâletiñ seyr it gider bir bir gelür bir bir
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
