359
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Kâmetüñ seyr itmedür cennetde Tûbâ’dan garaz
Sensin ancak ey melek-ruhsâr havrâdan garaz
Yârin anda seyr ider her ‘âşık-ı rûşen-zamîr
Kûy-ı dil-berdür meger Firdevs-i a‘lâdan garaz
Mürde ihyâ itmege la‘l-i revân-bahşuñ yeter
Evvel âhirsin sen ey rûhum Mesîhâ’dan garaz
Şâh-ı gül yanında nergis hıdmete lâyık degül
Bezm-i hâs içre nedür bir iki a‘mâdan garaz
Bahr-i şi‘rümde niçe dürr-i ma‘ânî var iken
Bilsem ey Ravzî nedür gavvâsa deryâdan garaz
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
