589
Mefâ‘îlün/ Mefâ‘îlün/ Mefâ‘îlün/ Mefâ‘îlün
Dilâ bülbül gibi zâr-ı hezâruñ var besbelli
Mukârin oldı hâr ile o gül-ruhsâr besbelli
Kamer devri nihâyet buldı geldi ‘âsi-yi hattuñ
Ki gâret itmege Rûm’ı çıkar küffâr besbelli
Senüñ ‘ışkuñ baña besdür benüm devletli sultânum
Metâ‘-ı cân senüñ anda benüm nem var besbelli
Gözüm yaşı akar her sû rakîb eyler baña hande
Nücûmuñ kimisi sâbit kimi seyyâr besbelli
Cihânda dost düşmen fark olınmaz sanma ey Ravzî
Bilinmez nesne yokdur yâr ile agyâr besbelli
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
